Брзата интервенција на велешките пожарникари спречи катастрофа откако денеска попладне избувна пожар на паркингот во близина на Автобуската станица во Велес.
Дојавата била примена во 13:45 часот за запален автомобил, но на терен било утврдено дека гори сува трева. Огнот брзо се проширил и минимално оштетил шест паркирани возила. Едно противпожарно возило и тројца пожарникари успеале веднаш да го локализираат огнот и да спречат поголема штета.
Поради ова, ТППЕ Велес упати итен апел до граѓаните и земјоделците од Велес, Чашка и Градско да не палат оган на отворено и да не ги палат стрништата, потсетувајќи на големиот пожар од 30 јуни кога изгореа лозја, соларни панели и викендички.