Пет членови на граѓанското здружение „Балкан Ел Стори“ од Гевгелија и годинава останаа верни на традицијата со јануарското капење во студената планинска вода на Конска река, кај познатото гевгелиско излетиште Сифулајка.
Овој чин го изведоа точно на пладне и рекоа дека не им пречело што водата била многу студена затоа што на овој начин секоја година го прославувале животот.
Си посакаа себе си и на сите гевгеличани,како што истекува водата на Конска река така да замине и сето лошо што се случувало изминатава година.
Од граѓанското здружение велат дека ваквото зимско капење има една синтеза меѓу ексцентризмот и традицијата,бидејќи било познато уште од времето на Илијада од Хомер и дека сакаат да ја продолжат традицијата која се одвива од дамнина.