Делфин со тесен нос поминал рекордно растојание за својот вид, поминувајќи 2.053 километри, објави Универзитетот во Сент Ендрјус на својата веб-страница.
Научниците од Универзитетот во Сент Ендрјус и Словенечкото здружение за проучување на морски цицачи ги објавија своите набљудувања во списанието „Mammalian Biology“, пренесе БТА.
Британските научници првпат го забележаа делфинот во близина на брегот на Словенија во февруари 2020 година на фотографии од Словенечкото друштво за проучување на цицачи. Во чест на познатиот поет го добил прекарот Прешерн.
Подоцна, членовите на научниот тим, додека прегледувале слики од колегите во 2017 година, забележале позната перка на фотографиите од Тиренското Море. Дека се работи за Прешерн докажува темелна анализа на сликите. За да стигне оттаму до брегот на Словенија, морал да надмине најмалку 1251 км.
Ова не е последното достигнување на Прешерн. Во 2021 година, беше забележан во Лигурското Море (Италија). За шест месеци исплива над 2000 км.
Откритието ги изненади научниците, бидејќи делфините се силно приврзани за нивната родна област и претпочитаат да не прават долги миграции. Новите податоци, сепак, ја доведуваат таа теорија во прашање.
Патувањето на Прешерн е најдолго за крајбрежните делфини и второ најдолго за видот како целина. Научниците заклучија дека овие цицачи можеби се многу поподвижни отколку што се мислеше.
„Ваквите наоди придонесуваат за подобро разбирање на видовите, што индиректно води до подобро разбирање на морскиот екосистем“, забележуваат експертите.