Една недела пред да му ја предаде власта на Доналд Трамп, американскиот претседател Џо Бајден направи преглед на надворешната политика за време на неговиот последен мандат. „Благодарение на работата на администрацијата во изминатите четири години, САД се посилни на меѓународната сцена“, нагласи тој и увери дека со негова помош земјата е на чело на меѓународната конкуренција.
На тема Украина, претседателот рече дека Владимир Путин не ги постигнал своите воени цели по инвазијата во февруари 2022 година. Бајден беше категоричен дека САД и нивните сојузници не можат да ја напуштат Украина.
„Им помогнавме на Украинците да го запрат Путин. И сега, речиси три години подоцна, Путин не успеа да постигне ниту една од своите стратешки цели. Досега не успеа да ја покори Украина, да го скрши единството на НАТО или да оствари големи територијални придобивки. Има уште да се направи и не можеме да заминеме. Собравме 50 земји за да ја поддржиме Украина, не само во Европа, туку за прв пат во Азија“, рече американскиот претседател.