Скушата содржи висок процент на омега-3 масни киселини, дури двапати повеќе од лососот и затоа е одлична за регулирање на крвниот притисок. Богат е и со селен, кој заедно со протеините создава антиоксиданси и го зајакнува имунолошкиот систем.
Состојки: 1 скуша со средна големина, 1 помала главица кромид, 2 варени јајца, 2 чешниња лук, половина лимон, 2 лажици маслиново масло, свеж магдонос, бибер, 1 пиперка.
Подготовка: Исчистете ја скушата од утробата, измијте ја и посолете ја и оставете ја неколку минути. За тоа време загрејте ја рерната на 200 степени, на фолијата ставете ја скушата, прелијте ја со масло и печете 30 до 40 минути. Испечената скуша добро исчистете ја од коските. Јајцата сварете ги посебно, па излупете ги. Излупете ја кората и ситно исечкајте ја. Во блендер се ставаат скушата, кромидот и лукот, сокот од лимон, јајцето исечкано на четвртинки, зачинете по вкус, додадете ситно сечкан магдонос и убаво изблендирајте. На крај додадете ги ситно сечканите лути пиперки и повторно измешајте. Префрлете ја паштетата во сад, оставете ја добро да се излади во фрижидер, па послужете ја со тост леб.