Доставени три кандидатури за претседател на СДСМ – рокот истекува денеска во 16 часот

Димитар Ковачевски, Фросина Ременски и Властимир Алексовски засега се тројцата официјални кандидати за претседател на СДСМ.

Рокот за поднесување кандидатури истекува попладнево во 16 часот.

Дотогаш се очекува Јован Деспотовски да соопшти дали ќе биде четвртиот кандидат за партиски лидер, а можност за влез во изборната трка најави и Миле Зечевиќ.

„Сериозно размислувам за тоа. Член сум на партијата 25 години и сум поминал различни нивоа од почетното најниско, до член на највисоките раководни структури на партијата. Сметам дека имам реални резултати во мојот професионален ангажман така што сметам дека можам да понудам и нов концепт околу кој ќе се обединат не само партијата, туку и општеството. Одлуката не е лесна. Предизвикот е голем, времето е доста комплицирано и одговорноста е голема. Одлуката ќе ја соопштам утре, бидејќи сакам денеска да го искористам денот да се исконсултирам дополнително со моите најблиски и со моето семејство зашто и нив ги вовлекувам исто така во целата приказна“, рече вчера Деспотовски.

Според него, добро е што има повеќе кандидатури зашто тоа, според него, го покажува демократскиот капацитет на партијата, но покажува и дека има луѓе што се подготвени во комплицирано време да понесат одговорност и да се справат со предизвиците.

„Мене само ме радува што има поголем број кандидати за лидерското место во партијата, но не мислам дека дискусијата треба да се води за тоа кој, туку за тоа каков човек треба да биде и како да им се излезе во пресрет на луѓето, а не на партијата“, потенцира Деспотовски.

Ковачевски и Ременски кандидатурите за претседател на СДСМ ги поднесоа во средата, а Алексовски вчера.

Ковачевски ја достави и програмата „Заедно, одговорно и посветено“ по што на својот фејсбук профил напиша дека „во време на предизвици со кои се соочува македонското општество одговорно е да се преземе чекор, да се делува“.

„Да ја направиме СДСДМ ефикасна, организирана и посветена на решавање на проблемите. Заедно, одговорно и посветено. -Граѓаните бараат работа, решенија и многу одговорност. Tреба да извлечеме поуки и да направиме сериозни промени за да ја вратиме довербата, да го обединиме членството и брзо да се вратиме на победничка патека. За ова да го постигнеме мора да поставиме стручни и посветени луѓе на сите позиции кои ќе донесат вистинска промена и ќе работат одговорно. Верувам дека само вака ќе ја вратиме довербата на граѓаните во институциите, но и дека ние како држава можеме и умееме сами. Мој приоритет ќе биде домашната политика, ефикасно работење и реализација како и подобрување на економскиот стандард на граѓаните“, наведе Ковачевски.

Ременски, пак, во вчерашната емисија „10 Минути“ истакна дека има капацитет, знаење и храброст да биде лидер на СДСМ

„Сметам дека најмалку беше очекувана мојата кандидатура. Не сум зборувала отворено за некакви лидерски позиции во СДСМ, но со оглед на предизвикот пред кој се наоѓа партијата сметам дека имам капацитет, знаење, храброст и волја како и тим кој ќе може да го озбезбеди она што е најдобро за граѓаните и државата. Воедно и да го врати СДСМ на победничките шини“, истакна таа.

Алексовски е член и активист на СДСМ од општинската организација на партијата од Куманово, а како што соопшти СДСМ, по анализирање на поднесената документација и утврдување дали апликацијата на Алексовски е согласно Правилникот и дали ги исполнува пропишаните услови, Централната изборна комисија ќе соопшти дали ја верификувала.

Согласно Статутот, СДСМ го избира претседателот на партијата на непосредни, вонредни внатрепартиски избори. Со Одлука на Извршниот одбор од 26 ноември 2021 година вонредните избори се распишани и ќе се одржат на 12 декември 2021 година (недела). Постапката за кандидирање почна на 27 ноември 2021 и ќе трае седум дена. Право на кандидатура имаат сите членови на СДСМ кои ги исполнуваат критериумите согласно Статутот на СДСМ. За претседател на СДСМ може да се кандидира лице кое има најмалку пет години членство во партијата и кое најмалку еднаш било избран од Конгресот за член на некој од партиските органи.

Изборите на локално ниво ќе ги спроведат 80 општински изборни комисии и одбори на избирачки места. 

Поврзани вести

Двејн Џонсон го прeпишува својот успех на позитивното размислување

Двејн Џонсон, познат како Карпа, го припишува својот успех на неверојатната работна етика што ја научил од својот татко.  „Како професионален борач пред секој натпревар се молеше за сила...

Боровинките го намалуваат ризикот од проблеми со срцето

Постојат различни производи кои можат успешно да ја преземат титулата „добри за срцето“, но постои едно овошје кое навистина го штити вашиот „мотор“ доживотно, пишува сајтот „Јади ова, не тоа“.

Слушањето музика ја ублажува менопаузата

Одамна е познато дека музиката има лековито дејство. Помага во ослободувањето на хормоните на среќата како окситоцин, допамин, серотонин и ендорфин.  Новото истражување сугерира дека музиката може да ја олесни...

Го лажела шефот дека има корона, само за да оди на забава – пријателите ја снимале, доби отказ!

Младата девојка наскоро би можела да остане без работа откако било откриено дека лажела дека има круна за да може да оди на роденден на пријателка. Таа реши да ја сподели својата приказна...

Најважното

Претпладне променливо облачно со повремен слаб снег – во текот на денот облачноста ќе се намалува

Претпладне променливо облачно со повремен слаб снег, а во текот на денот облачноста ќе се намалува....

СЕДНИЦА ВЛАДА: Цените на основните прехранбени производи остануваат замрзнати до 28 февруари; Донесена е Програмата на економски реформи 2022 – 2024 година

Владата на Република Северна Македонија на денешната 8 седница донесе одлука да продолжи важноста на мерката за определување највисоки цени на основните...

1.908 нов случај на ковид-19 – пријавени 26 починати лица

Министерството за здравство информира, согласно податоците од Институтот за јавно здравје дека во последните 24 часа: Направени се 5.834...

Николоски: Заев доби датум за скијање на Шамони, но Македонија не доби датум за старт на преговори

Суштинското прашање е зошто актуелната политичка елита дозволи да ова стане прашање број еден, покрај билатералните односи и во државата? Одговорите можат...

За прв пат во Македонија изведена трансплантација на лигамент од починат донор

На Клиниката за Ортопедски болести при ТОАРИЛУЦ Скопје, вчера за прв пат беше изведена трансплантација на лигамент од починат донор. Млад 34 годишен пациент со...