Два белгиски борбени авиони Ф-16 биле подигнати синоќа поради сигнал за бомба во кинески товарен комерцијален авион, јавија локалните медиуми, повикувајќи се на изјава на портпаролот на аеродромот во Лиеж.
Се прецизира дека сигналот го дал сопственикот на машината поради стравувањата дека на интернет се шират закани против кинески авиони. Белгиските власти презедоа длабинска истрага за случајот, се вели во извештаите.
Забележано е дека белгиските воздухопловни сили добиле предупредување од Холандија и ловците биле испратени во холандскиот воздушен простор. Тие ја прелетаа Холандија со суперсонична брзина, а потоа го придружуваа Боингот 777 на „Ер Чајна Карго“, кој слета во Лиеж без инциденти. Пред слетувањето, неколку хангари на аеродромот беа евакуирани, додаде портпаролот.
