Употребата на ибупрофен и стероиди за ублажување на краткорочните здравствени проблеми може да го зголеми ризикот од развој на хронична болка, сугерираат истражувачите чија работа е објавена во списанието Science Translational Medicine.
Но, самите си прават ограда – дека ова е само едно истражување и дека е потребно дополнително истражување за дефинитивно да се потврдат ваквите наоди. Имено, тие откриле дека Британците кои земаат нестероидни антиинфламаторни лекови (НСАИЛ), вклучително и ибупрофен, имаат 76 отсто поголеми шанси да имаат болки, поточно во долниот дел на грбот, повеќе од три месеци во споредба со оние кои земаат парацетамол.
Експертите сметаат дека треба да се покренат клинички испитувања кои уште еднаш ќе ја потврдат нивната констатација, а дотогаш советуваат да се избегнува ваков вид на лекови.