Бурите, сушите и топлотните бранови ќе станат норма во новата година поради климатските промени, објави весникот „Ивнинг стандард“, повикувајќи се на годишниот извештај на Националната фондација на Велика Британија. „Ќе има повеќе обилни врнежи и многу суви и топли лета“, вели експертот за климатски промени Кит Џонс.
Организацијата предвиде дека појавата на „нови норми“ особено може да доведе до уште поекстремни временски настани од оние со кои Обединетото Кралство мораше да се соочи во 2022 година, кога временските услови „беа тешки за природата“.
Жешките лета и слабите врнежи пресушија многу реки, потоци и езера, оштетувајќи ги посевите и доведоа до шумски пожари, суша, смрт на животни и ширење на птичји грип. Покрај тоа, околу 50% од садниците умреле поради силната суша во Кембриџшир и Оксфордшир.
Сушата, високите температури, повторливите бури, невообичаено топлото време, неодамнешните мразови и поплавите значат дека природата, како нас, мора да се справи со нова листа на климатски екстреми.
Националната фондација на Велика Британија е британска непрофитна и невладина организација. Фондацијата е основана во 1895 година. Организацијата постојано работи на подобрување на условите за живот на многу видови животни, а исто така им помага да се прилагодат на климатските промени предизвикани од глобалното затоплување.