Француската премиерка Елизабет Борн му ја поднесе оставката на претседателот Емануел Макрон, но тој одби да ја прифати за да може владата да продолжи да работи во наредните денови , објави Елисејската палата, пренесе АФП.
По парламентарните избори во неделата, Макрон го загуби апсолутното мнозинство во Националното собрание.
Во овој контекст, шефот на државата „ ќе ги одржи потребните политички консултации за да се утврдат можните конструктивни решенија во интерес на францускиот народ“, соопшти француското претседателство.
Претстојат серија средби меѓу претседателот и партиските лидери денеска и утре во Елисејската палата.