Во пресрет на граѓанскиот протест кој е најавен за утре, во врска со загадувањето од депонијата во Ѓорче Петров, Град Скопје со соопштение известува дека во буџетот на Градот за наредната година, се одвоени средства за чистење на неколку поголеми диви депонии во градот, меѓу нив е и расчистувањето на депонијата во Ѓорче Петров.
„Депонија во Ѓорче Петров со децении ги загадува и нагрдува околните населени места, но со планираните активности екипите на Градот ќе го расчистат натрупаното ѓубре, а просторот ќе го облагородат“, соопштува Град Скопје.
Во соопштението се наведува дека борбата за здрава и чиста животна средина е приоритет на градската администрација и на ова прашање се работи секојдневно, и во сезоната кога има загадување, но и во сезоната кога нема загадување.