Грција е единствената земја од ЕУ што ја постигна целта за намалување на смртните случаи на патиштата за повеќе од 50% во 2020 година во споредба со 2010 година. Подобрувањето на патната мрежа на земјата, зголемувањето на безбедноста на патиштата, системите за помош на возачот во модерните автомобили и подобрата култура на возење доведоа до намалување во бројот на сообраќајни незгоди со смртен исход, пренесе агенцијата АНА-МПА.
Според Европската асоцијација на производители на автомобили (ACEA), во 2020 година во Грција имало 54 смртни случаи во сообраќајот на патиштата на милион жители, што е намалување за повеќе од половина (54%) во споредба со 2010 година (113 смртни случаи). На овој начин Грција се „ослободи“ од претпоследната позиција на една од најопасните земји за возење и се искачи за осум места погоре, пред Хрватска, Литванија, Полска, Бугарија, Латвија и Романија.