Груевски: Денеска одекна најсилната бомба, власта ја рушеле со монтирани снимки

По сведочењето на Верушевски денеска во судот во врска со предметот „Таргет-Тврдина“ односно масовното прислушкување, вечерва со кометар се јави и екс-премиерот Никола Груевски.

„Полека, но сигурно вистината испловува… Кога се појавија “бомбите” во 2015 година објавивме дека не се автентични и целовити односно дека отпосле во нив се вршеле интервенции. Медиумите, новинарите, аналитичарите и хејтерите кои го подржуваа СДСМ се мајтапеа со фразата “сечени, лепени, прелепувани и монтирани”. Можеби од маркетиншки аспект тие изрази не беа најдобро избрани, но беа вистината.
Мислам, дека и голем дел од неутралните, а дел и од нашите подржувачи, или кратко кажано дел од јавноста, со сомнеж гледаа на тие наши соопштенија и изјави.
Денес тие кои ги подготвуваа и лансираа истите, јавно, во медиуми, дел од нив и во суд го потврдуваат тоа. Знам дека на дел од таа јавност не и беше доволно кога ние го тврдевме истото.“, напиша Груевски на Фејсбук.

Извор: ТВ21