Генералниот секретар на ОН, Антонио Гутереш вчера изјави дека е во „интензивни контакти“ со Русија и другите земји со надеж дека ќе постигне договор за извоз на жито складирано во украинските пристаништа и неограничен пристап до светските пазари за руска храна и ѓубрива, објави АП.
Говорејќи на министерскиот состанок на ОН за кризата со храната, која се продлабочи поради војната во Украина, тој рече дека „има долг пат да се помине“ додека не се реши кризата. Тој додаде дека е потребна добра волја од сите страни за да се постигне „пакет договор“ за ова прашање, но не навлегува во детали бидејќи „јавните изјави“ можат да ги поткопаат шансите за успех.
Според Гутереш, глобалните нивоа на глад достигнаа „нов врв“, при што повеќе од половина милион луѓе ширум светот сега гладуваат, а 276 милиони се изложени на несигурен пристап до храна. Тој рече дека Украина и Русија заедно произведуваат речиси една третина од светската пченица и јачмен и половина од сончогледовото масло, додека Русија и Белорусија се на второ и трето место по калиум карбонат, клучна состојка во ѓубривата. Генералниот секретар рече дека нема да има „ефикасно решение“ за кризата со храна во светот без обновување на снабдувањето со храна од Украина и ѓубрива и храна од Русија и Белорусија на светските пазари.
Поради руската инвазија на Украина, нејзините црноморски пристаништа се затворени, а извозот на жито во многу земји во развој е суспендиран. Гутариш им рече на министрите на ОН дека за време на неодамнешната посета на регионот Сахел во Африка, видел семејства кои не знаеле каде да најдат храна за следниот ден.
