Поврзи се

4NEWS.mk

Изложба од деца со попречености – последна од проектот „Уметност за сите“

Published

on

Деца со различни видови попреченост во изминатите две години беа вклучени во проектот „Уметност за сите“ – најголем од областа на едукацијата што досега го организирала Националната галерија. Тој беше заокружен денеска во Чифте амам со изложба на дела од последната, четврта работилница од проектот – насловена „Јас и ти, едно сме“, на која беа претставени нивни уметнички креации на чадори.

-Текстот продолжува по рекламата-

Од претходните три работилници, од 2017 до 2019, произлегоа изложбите „Од мој агол“, „Дај му форма на животот“, „Пролет, лето,есен, зима…и повторно пролет“ кои прикажаа различни уметнички творби – фотографии, предмети од глина, акрил на платно… што ги изработија деца со аутизам, ученици од училиштата за деца оштетен слух и вид…

Проектот, кој опфати и две трибини, беше финансиран преку програмата МАТРА на Амбасадата на Холандија и имаше голема поддршка од поранешниот холандски амбасадор Ваутер Пломп, во чиј мандат почна да се реализира.

Координаторката на проектот и кустос во Националната галерија Маја Димитрова на отворањето на завршната изложба се заблагодари на Амбасадата на Холандија што со овој проект им дала шанса на многу деца и можеби внела радост во многу семејства и поради тоа што на целата јавност, како што рече, овој проект и покажа дека овие деца знаат, можат, умеат и не се ништо поразлични од другите.

-Се надевам дека дадовме добар пример дека овие деца не треба да ги третираат само институциите од труд и социјална, туку може да ги третираат и институции од културата. Ние сме само една коцка во мозаикот и се надевам дека ќе продолжиме да работиме за да го дополниме и да ја направиме севкупната слика – овие деца да бидат рамноправни граѓани на нашето општество, рече Димитрова. Додаде дека на четирите работилници во изминатите две години имала можност да работи и со професионалци – наставници кои, како што рече, не биле само наставници по ликовно, туку и родители на тие деца.
Директорката на Националната галерија Дита Старова-Ќерими истакна дека со овој проект сакале да покажат дека Националната галерија може да ги задоволи образовните потреби на сите школси деца, без исклучок, со што станува компетентна алтернативна образовна институција. Таа ги нагласи инклузивноста како благородна придобивка од проектот и корисноста на арт-терапијата,  особено кај деца со тешкотии во учењето на говорните вештини.

Зборувајќи за вредностите на Европската Унија, актуелниот холандски амбасадор Дирк Јан Коп истакна дека крајната цел во интегрирањето е да се има земја во која секој ќе сака да живее и ќе биде среќен.

-Тоа е земја во која сите имаат еднакви права и никој не е над законот, и во која има простор за луѓето што имаат посебни потреби. Затоа овој проект е толку важен бидејќи тој е насочен кон луѓето со посебни потреби. За нив да постои систем во кој има целосен пристап до образованието, рече Јан Коп, според кого културата и уметноста се начините  да се подигне свеста за потребите на овие луѓе.

Заменик-министерот за труд и социјална политика Ѓонул Бајрактар го истакна значењето на проектот поради придонесот за социјализација на луѓето со посебни потреби и рече дека јавноста не  треба само на меѓународниот ден (3 Декември)  да се потсетува за нивните права, достоинство и благосостојба.

-Да се подигне јавната свест за придобивките од интегрирањето на лицата со попреченост во секој аспект на животот, порача Бајрактар.

Извор: Сител телевизија

Loading...
Совет за етика во медиуми

Македонија

Лифтовите потенцијални жаришта на коронавирусот – како да ги направиме безбедни?

Македонија

Венко Филипче тројно погледан на ТВ21 од Канал 5 телевизија

Македонија

Соопштение за мерките на ВРСМ за првата фаза на олабавување на вонредните околности

Македонија

ТВ21 ЕКСКЛУЗИВНО: Потврден говедски коронавирус во Македонија, човек може да го зарази својот миленик, но не и обратно

Музика и Филм

„THE ELEPHANT“ прв македонски краткометражен филм со ирски и старо англиски акцент

Музика и Филм

Македонец во Словенија направи песна репрезент за градот

Македонија

ВИДЕО: Силна експлозија во фабрика во Битола – на терен противпожарни екипи

Музика и Филм

НОВО ВИДЕО: Момците од Театро бенд пеат „За тебе“

Македонија

ВИДЕО: Секоја чест! Полицајци од ПС Бутел спасија мало куче од дупка длабока 4 метри

Македонија

(ВИДЕО) Пенадровски: Да не сум претседател и јас би се иселил од Македонија