На состанокот на министрите за надворешни работи на земјите-членки на БРИКС во Нижни Новгород, рускиот министер за надворешни работи Сергеј Лавров денес изјави дека последните настани на глобалната сцена го откриле „вистинското лице на Западот, кој се стреми да го наметне својот поредок во светот“.
„Неодамнешните меѓународни настани им ги симнаа маските на оние кои досега вербално го тврдеа речиси ексклузивното право да ги воспостават таканаречените универзални вредности кои се пропагираат како поредок заснован на правила“, рече Лавров, пренесе ТАСС.
Тој изјави дека поддржувачите на овој концепт се обидуваат да наметнат норми и механизми на интеракција кои само им користат, заменувајќи го рамноправниот и искрен дијалог со коалиции кои дејствуваат прикриено и бараат право да зборуваат и да дејствуваат во име на целиот свет.
