Денеска во Триполи избувнаа судири откако либиската влада, назначена од парламентот и поддржана од маршалот Калифа Хафтар, најави влез во главниот град, каде што е сместен ривалскиот кабинет, пренесе АФП.
Прес-службата на владата преку соопштение го објави „пристигнувањето на премиерот на либиската влада Фати Башага, придружуван од министри, во главниот град Триполи за да започне со работа“.
Владиниот состанок во Триполи се уште не одговорил на соопштението.
Набргу по влегувањето на владата на Башага, во Триполи избувнаа судири меѓу вооружени групи, според новинар на АФП.
Во февруари, парламентот во источна Либија го назначи Башага, поранешен министер за внатрешни работи, за премиер. Досега, сепак, тој не успеа да ја отстрани извршната власт во Триполи, предводена од бизнисменот Абдел Хамид Дбеиба, кој постојано повторуваше дека ќе ја отстапи власта само на избрана влада.
Кабинетот на Дбеиба се појави во 2020 година како резултат на политички процес под покровителство на Обединетите нации. Неговата главна задача беше одржување парламентарни и претседателски избори, првично закажани за декември минатата година, но одложени на неодредено време.
Според неговите политички противници, со одложувањето му заврши мандатот.
