На денешниот „Марш на исклучените“, организацијата „Икуалити“ собра луѓе со попреченост, родители со колички, велосипедисти, деца и граѓани од сите возрасти. Целта на маршот беше да се побара подобра достапност на тротоарите и патеките во Скопје.
Маршот започна од Владата и помина преку бараките на Град Скопје, завршувајќи во вториот дел од Градскиот парк. Учесниците носеа транспаренти со пораки како:
- „Живот без бариери“
- „Вклучи инклузија“
- „Колите на паркинг, луѓето на тротоар“
- „Град што не исклучува е град што живее“
- „Пристапноста не е луксуз“
Претседателот на „Икуалити“, Гере Трипков, рече: „Денес сме тука да ја искажеме нашата волја и да бараме однапред да бидеме еднакви со останатите. Очекуваме пристапни улици и јавни површини, а не да се соочуваме со неприфаќање и дискриминација.
Трипков нагласи дека бариерите не се само физички, туку и дигитални, и дека е важна поддршката за луѓето со оштетен слух
„Ова не е еднократна акција, туку ќе продолжиме со маршеви за да постигнеме подобра достапност. Очекуваме поддршка од заедницата,“ додаде Трипков.
Маршот заврши на летната сцена „Лепеза“, каде се одржуваше фестивалот „Инфјужн“. Овој фестивал се фокусира на инклузија преку уметност, музика, игра и технологија и ќе трае до 20 јуни.
„Марш на исклучените“ е важен сигнал за потребата од пристапни јавни простори во Скопје, при што учесниците потенцираа дека заедно можат да создадат промени кои ќе се одразат на секојдневниот живот на луѓето со попреченост.