Маж од јужната индиска држава Керала останал заробен во болнички лифт 42 часа без храна и вода.
Педесет и деветгодишниот Равиндран Наир влегол во лифтот за да оди на лекар. Влегол во лифтот во саботата попладне и останал заглавен до понеделник наутро.
На крајот успеале да го извлечат Наир од лифтот и тој моментално се лекува од дехидрација, јавува Н1 Загреб.
И неговиот телефон престана да работи Наир за Би-Би-Си изјавил дека кога бил заробен, се обидел да се јави на бројот за итни случаи наведен во лифтот, но немало одговор.
Тој се обидел да се јави и на својата сопруга, која работи во болницата, и „кој друг што ќе ми текне“, но повиците поминале.
„Почнав да паничам и да тропам на вратата од лифтот за да привлечам внимание. Тогаш мојот телефон падна на подот и престана да работи“, рече тој.
„Како што минуваа часовите, немав поим дали е ден или ноќ, бидејќи внатре беше црно. Кога се уморив, спиев во аголот. Морав да го користам другиот агол за тоалет“, вели тој.
„По некое време почнав да се прашувам дали ќе умрам“
Наир рече дека кога оди во болница, нормално го користи лифтот за вработените, со оглед на тоа што неговата сопруга е вработена во болницата, но овој пат го користел лифтот наменет за пациенти и посетители.
„Беше пладне. Немаше никој во лифтот, но светлото беше запалено, па не мислев дека нешто не е во ред“, вели тој.
Го притиснал копчето и лифтот почнал да се крева, но кога се приближувал до вториот кат, лифтот почнал да паѓа надолу и се заглавил помеѓу првиот и вториот кат.
„По некое време почнав да се прашувам дали ќе умрам во лифтот. Се грижев за мојата сопруга и децата и размислував за моите покојни родители и предци. Но, тогаш некако сакав да бидам посилен и реков дека морам да го надминам ова застрашувачко искуство“.
Една работа што го тешела, вели тој, е рецитирање песни напишани од неговата сопруга. „Се надевав дека некој ќе дојде да го поправи лифтот и да ме најде таму“, додаде тој.
Помошта конечно пристигна во понеделникот наутро околу 6 часот по локално време кога оператор ја отвори вратата и го замоли да скокне – 42 часа откако беше заробен во лифтот.
Оттогаш болницата објави предупредување надвор од лифтот во кое ги замолува луѓето да не го користат додека се поправа.