За сите љубители на кафе, утринските ритуали се нешто посебно. Сепак, потребно е да се размислува за здравјето на забите, а за да се зачува, важно е дали ќе ги миете забите пред или по првата чаша.
Познато е дека кафето може да влијае на бојата на забите, а киселоста му штети и на забната глеѓ. Сепак, стоматолозите советуваат дека треба да ги миете забите пред да пиете кафе, а еве зошто.
„Четкањето на забите пред да ја испиете првата шолја кафе ја отстранува плаката и спречува таложење на дамки“, вели стоматологот Кристина Мејнерс.
Иако можеби сте убедени дека миењето заби после пиење кафе е сосема логична и неопходна работа, тоа е всушност нешто што ја влошува целата ситуација.
„Ако ги одржувате забите чисти, помали се шансите да бидат погодени од штетното дејство на кафето“, додава Кристина.
Тој тврди дека миењето заби после кафе само ја трие киселоста во забите, што ги прави уште почувствителни.
„Ако го правите тоа од време на време, нема потреба од паника. Но, ако го правите тоа постојано, тогаш ќе ја истрошите забната глеѓ“, додаде таа.
Доколку ви е незамисливо да не ги миете забите по првото кафе, стоматолозите советуваат да почекате барем половина час пред да го направите тоа.
„Плунката ќе ја неутрализира киселоста во устата, а усната шуплина ќе ви се врати во нормала за половина час“, вели стоматологот и додава дека миењето заби во тој момент е добра идеја.
Препорачливо е да се зема и гума за џвакање без шеќер за да се стимулира производството на плунка – природен заштитен фактор на сечија орална шуплина.
