Во понеделник и вторник во Велика Британија се очекуваат рекордни високи температури – до 41°.
Ова ќе биде највисоката температура досега забележана на островот. Рекордот за највисока температура забележана во ОК е 38,7°, измерен во 2019 година.
Поради горештините во земјава е воведена вонредна состојба.
Се препорачува да се избегнува патување со воз и метро. Властите ги повикаа училиштата и домовите за стари лица да преземат мерки, бидејќи децата и постарите лица се особено ранливи на високи температури.
Температурите се високи и во другите земји од Западна Европа.
Екстремните горештини што продолжуваат во Шпанија предизвикаа смрт на речиси 240 луѓе.