Најмалку 18 лица загинаа, а десетици се ранети во самоубиствени напади во нигериската држава Борно, соопштија локалните власти.
Бомбаши самоубијци извршиле напади за време на свадба и погреб, а цел на нападот била и болница во градот Гвоза, пренесуваат медиумите.
Никој не ја презеде одговорноста за нападите, но начинот на кој тие беа извршени укажува дека тоа се акции на движењето Боко Харам.
Оваа екстремистичка организација има упориште во североисточниот регион на Нигерија, на границата со Камерун.