Русија не смее да го ескалира конфликтот во Украина со лажни тврдења дека Киев планира да фрли таканаречена „валкана бомба“, предупреди шефот на НАТО.
Јенс Столтенберг ги коментираше тврдењата на Москва дека Украина може да распореди такво оружје, предизвикувајќи стравувања дека Русија може да го користи и да го обвини Киев.
Столтенберг рече дека разговарал со шефот на Пентагон Лојд Остин и британскиот министер за одбрана Бен Валас „за лажното тврдење на Русија дека Украина се подготвува да употреби валкана бомба на своја територија“. „Сојузниците на НАТО го отфрлаат ова обвинение. Русија не смее да го користи како изговор за ескалација. Остануваме цврсто во нашата поддршка за Украина“, напиша тој на Твитер.