Време е за одмор, периодот кога посетуваме базени, море, разни места за капење. На дамите им е многу важно каков тип на костим за капење носат, но можеби помалку ни е грижа што може да ни направи седењето во влажен костим за капење.
Откако ќе излеземе од водата, најчесто лежиме да се сончаме и одиме во кафуле да го испиеме омилениот пијалак. Но, дали пред тоа го менувате долниот дел од костимот за капење?
Не заборавајте да го направите ова бидејќи предолгото носење влажен костим за капење може да доведе до габична инфекција на вагината, пишува „Пиемонт“.
– Костимите за капење се совршено место за размножување на бактерии. Тие се развиваат во топла и влажна средина и многу брзо се шират – изјави Тиа Густер, акушер и гинеколог.
Што е вагинална габична инфекција?
Тоа е предизвикано од прекумерен раст на габата кандида. Тоа предизвикува кожата на и околу вулвата да стане црвена, да почне да чеша и да стане воспалена област, а може да биде придружена и со исцедок. На него се поподложни бремените жени, дебелите жени, како и оние кои имаат дијабетес или се со намален имунитет.
Како да се лекува?
Инфекцијата, за жал, е многу честа, но за среќа можете брзо да се ослободите од проблемот. Тоа најчесто може да значи консумирање на лекови за еден, три или седум дена, во зависност од тоа што ќе ви препише гинекологот и во однос на тоа колку е сериозна инфекцијата.
Еве неколку совети за да спречите инфекција:
Како прв и основен совет – пресоблечете се кога сте на даска и не легнувајте во мокро одело. Носете широка и лелеава облека, особено ако одоздола носите костим за капење; оставете ја кожата да дише. Изберете костим за капење со заштита од влага кој може да ја отстрани влагата од кожата и на тој начин да ја доведе на површината на костимот за капење додека не испари.