Синоќа мечка нападна и полесно повреди 64-годишен маж во областа на Плитвичките езера во Лика, Хрватска, соопштија денеска од полицијата Лика-Сењ и од Општата болница Госпиќ.
Според информациите, нападот се случил во градот Чујиќ Крчевин, а мажот се здобил со повреда на раката и гребаници по лицето.
Директорката на болницата Сандра Ќубиќ за агенцијата Хина изјавила дека повредениот е во стабилна состојба и е опериран.
Граничната полиција излегла на терен и утврдила дека нападот се случил во внатрешноста на Националниот парк Плитвички езера синоќа околу 22:30 часот.