Николовски: Е-инспектор почнува со примена во пазарен, трудов и управен инспекторат

Имплементацијата на електронскиот систем е-инспектор започнува со примена во трите клучни инспекторати – Државниот пазарен инспекторат, Државниот трудов инспекторат и Државниот управен инспекторат. Останатите инспекциски служби под надлежност на Инспекцискиот совет етапно ќе се приклучуваат на софтверот, така што сите 28 инспекторати ќе бидат електронски поврзани, информира на денешната прес-конференција во Владата вицепремиерот за борба против корупцијата и криминалот, одржлив развој и човечки ресурси, Љупчо Николовски.

За ефикасна имплементација на надзорите и контролите, Николовски посочи дека веќе е обезбедена целосна опрема за овие три инспектори и се што е неопходно за дигитално спроведување на надзорите и контролите.

– Со овој систем се намалува човечкиот фактор и се елиминира субјективниот пристап на инспекциските надзори и контроли. Целокупниот процес од распределба на контрола, генерирање на записници од инспекциската контрола и самото издавање на решение на крајот ќе бидат електронски, со што човечкиот фактот ќе биде изземен, изјави Николовски.

Инспекторот, посочи Николовски, нема да може сам да одлучува во кој фирма ќе врши надзор и одлуката ќе ја добива од софтвер, кој ќе ги рангира на фирми со високо, средно и ниско ниво на ризик.

–  Ова е фер пристап, затоа што фирмите кои ги почитуваат законите и плаќаат данок, нема да бидат оптеретени со постојани редовни контроли, а оние кај кои претходно биле детектирани пропусти соодветно ќе се контролираат, изјави Николовски.

Ова е механизам, нагласи Николовски, што ја праќа пораката дека нема недопирливи и не може да се избегне плаќање на данок, а истовремено системски се справува со корупцијата.

–   Ова праќа порака дека се воведува ред, правичност, дисциплина, дека законот важи за сите, дека данокот мора секој да го плати, дека не може да има повластени, недопирливи. Законот мора да важи за сите, изјави Николовски.

Претседателката на Инспекцискиот совет Магдалена Филиповска-Грашкоска истакна дека со дигитализацијата на инспекциската постапка, всушност се воведуваат новини особено во фазата на планирање на надзорите, односно каде и кога ќе се врши надзорот, но исто така се обезбедува и автоматско генерирање на записниците и решенијата што произлегуваат од оваа постапка.

– За да може сето ова да функционира беше неопходно да се изготват голем број акти што произлегуваат од законот за инспекциски надзор, а тоа се повеќе од 200 листи на проверка или поинаку наречени чек листи кои се задолжителни при спроведувањето на редовните надзори и се вклучени во овој систем е-инспектор, и методологиите за проценка на ризик кои се 28 на број за секоја инспекциска служба по една методологија, во која се утврдени критериумите за степенот на ризик на субјектите на надзор во однос на почитувањето односно на непочитувањето на законските обврски, истакна Филиповска-Грашкоска.

На овој начин, додаде таа, во иднина со полнење на базата на податоци со информации за субјектите на надзор, добиени од претходните надзори, во смисла дали или кои законски обврски ги почитувале или не, системот ќе биде во можност да ги класифицира субјектите на надзор на високо, средно или нискоризични субјекти и во зависност од степенот на ризик соодветно ќе им се планираат редовни надзори.

– Со системот Е-инспектор се прават промени и при распределбата на надзорите, односно распределбата на надзорите, предметите, до инспекторите ќе биде исто така автоматизирана, и ќе се врши согласно одредени критериуми како што се обемот, сложеноста и тежината на надзорот од една страна, а од друга страна нивото на работното место на инспекторот, искуството и обемот на неговата работа, дополни Филиповска-Грашкоска.

Поврзани вести

Британските медиуми го вброија Бихаќ меѓу најубавите градови во Европа

Британскиот магазин Тајм Аут пред крајот на годината и во пресрет на новата туристичка сезона состави листа на најубави европски градови како препорака за патување во текот на 2022 година, а една...

Со државна церемонија беше оддадена почит на загинатите во автобуската несреќа во Бугарија и им беа предадени на семејствата

Со државно-воена церемонија, денеска на Меѓународниот аеродром во Скопје беше организиран пречек на посмртните останки на загинатите граѓани во автобуската несреќа на 23 ноември во Република Бугарија. Посмртните останки...

Јован Деспотовски поднесе кандидатура за претседател на СДСМ

Во седиштето на СДСМ денеска кандидатура за претседател на партијата поднесе Јован Деспотовски. Рокот за доставување кандидатури истекува денеска во 16 часот, по што утре Централната изборна комисија ќе...

342 нови случаи на ковид-19 – пријавени 7 починати лица

Министерството за здравство информира, согласно податоците од Институтот за јавно здравје дека во последните 24 часа: Направени се 2.349 тестирања, а регистрирани се 342 нови случаи на КОВИД-19:

Најважното

342 нови случаи на ковид-19 – пријавени 7 починати лица

Министерството за здравство информира, согласно податоците од Институтот за јавно здравје дека во последните 24 часа:

Поворката со останките тргна кон вечните почивалишта на загинатите

 По речиси едночасовното преземање од двата бугарски воено-транспортни авиона, почна транспортот на посмртните останки на загинатите во автобуската несреќа до нивните вечни...

ВО ЖИВО: Во тек е преземањето на останките на жртвите од несреќата во Бугарија

Со едноминутно молчење, почна преземањето на посмртните останки  на жртвите од автобуската несреќа кои претпладнево со два бугарски авиона беа транспортирани на...

Почна церемонијата по повод пристигнувањето на останките на жртвите во автобуската несреќа

Почна церемонијата на Скопскиот аеродром по повод пристигнувањето на останките на жртвите во автобуската несреќа. Двата авиона од Софија...

ВО ЖИВО: Пристигнуваат телата на жртвите од автобуската несреќа во Бугарија

Денеска во Македонија пристигнуваат посмртните останки на починатите од автобуската несреќа во Бугарија. Тие пристигнуваат на Меѓународниот аеродром Скопје,...