На 30-ти мај ќе се изврши избор на нови членови и отповикувањето на старите членови на Одборот на директори на Телеком предложени од владата.
Предложени се: Сашо Димитријоски, Иван Митровски, Марин Алексов, Даниела Кржовска, Нусрет Зиба и Сеад Арслани. Сите членови предложени од владата се неизвршни членови на Одборот на директори.
Еден од нив, според статутот на компанијата се бира за претседател на Одборот на директори.
Мандатот на членовите на Одборот на директори е четири години.
Одборот на директори управува со Друштвото и се состои од 14 членови, од кои 13 се неизвршни членови, 1 е извршен член кој го носи називот Главен извршен директор и 4 од неизвршните членови се независни членови на Одборот на директори. Владата предлага 6 неизвршни членови од кои се избира претседател на Одборот на директори.
Владата поседува 34,81% од акциите на компанијата, вклучително и таканаречената златна акција со право на вето.
