Утрово корисниците ширум светот се соочија со проблеми при користењето на Facebook, откако популарната социјална мрежа привремено престана да функционира.
Според првичните информации, дел од корисниците не можеле да се најават на своите профили. Проблемите биле пријавени и на мобилната апликација и на веб-верзијата.
Засега нема официјално објаснување од компанијата Meta Platforms за причините за прекинот, ниту колку долго траел падот. Слични прекини во минатото најчесто биле поврзани со технички проблеми или ажурирања на системите.
