Силниот ветер кој ја зафати општината во текот на изминатата ноќ и денешниот ден предизвика паднати дрвја и навалени електрични столбови на повеќе локации. Екипите на ЈКП „Гази Баба 2007“ се веднаш мобилизирани и работат на расчистување на теренот.
Интервенциите се фокусирани на отстранување на паднатите дрвја од јавните површини и обезбедување на критичните точки каде постои опасност по граѓаните. Истовремено, претпријатието е во постојана координација со надлежните служби за санирање на оштетените електрични столбови со цел брзо враќање на безбедноста и функционалноста на просторот.
Од јавното претпријатие апелираат до граѓаните да бидат претпазливи и доколку забележат нови ризични ситуации, веднаш да ги пријават до надлежните служби за навремено постапување.