Пет тела се пронајдени денеска од пожарот што во средата вечерта избувна во трговски центар во западниот дел на Џакарта, додека спасувачите ги интензивираа напорите за потрага по исчезнати лица.
„Пет тела беа пронајдени на осмиот кат. Не успеавме да ги идентификуваме сите жртви“, изјави за новинарите шефот на Агенцијата за пожари и спасување на Западна Џакарта, Сјарифудин.
Тој додаде дека телата се пренесени во полициската болница за идентификација преку ДНК анализа, пренесува Синхуа.