Петгодишно дете од гостиварското село Чегране синоќа итно било хоспитализирано поради труење со лекови, соопшти Министерството за внатрешни работи.
Случајот бил пријавен во Полициската станица Гостивар во 18:40 часот, откако детето било донесено на Педијатриското одделение во локалната болница. Според првичните информации од пријавата, тоа дошло во контакт со лекови кои биле оставени на лесно достапно место во домот и проголтало дел од нив.
По укажаната прва медицинска помош во Гостивар, поради сериозноста на состојбата, детето е пренесено на Детската клиника во Скопје за понатамошна нега, детоксикација и детални прегледи.