Денеска почнува судскиот процес за организаторите на насилствата во Собранието од 27 април. Во Кривичен суд веќе пристигна екс претседателот на Собранието, Трајко Вељаноски, а покрај него обвинети се екс министерот за транспорт и врски Миле Јанакиески, поранешниот министер за образование Спиро Ристовски, и екс директорот на УБК Владимир Атанасовски.
Се товарат дека сториле кривично дело „терористичко загрозување на уставниот поредок и безбедноста“.
Според ОЈО, осомничените на почетокот на 2017 година подготвиле и реализирале план со намера да оневозможат мирно примопредавање на власта.
За таа цел материјално ги поддржале масовните протести, кои кулминираа со упадот во Собранието на 27 април.