Најмалку 205 лица загинаа во поплавите на југоистокот на Шпанија, покажува новиот биланс објавен од службите за итни случаи. Најголем број жртви 202 има во регионот на Валенсија, а загрозени се и соседните Кастилја-Ла Манча и Андалузија.
Непознат број луѓе сè уште се водат како исчезнати.
Повеќе од 1.000 војници од единиците за итни случаи се распоредени во опустошените области.
Медитеранскиот брег на Шпанија често е погоден од бури и поплави наесен, но поплави од ваков размер не се регистрирани со години.
Шпанија сè уште се опоравува од големата суша, а со рекордно високите температури за овој период од годината, исушената земја тешко апсорбира големи количини вода.