Доаѓањето на Дедо Мраз во Скопје оваа година беше поразлично. Тој пристигна со електричен автомобил. Со црвена облека, ѕвонче во рака, и впечатливи чизми, ги собра децата околу себе. Тие нетрпеливо го чекаа на плоштадот. Тие му ги кажаа на Дедо Мраз нивните желби. Андреа има едно посебно барање. Нејзината желба е добар успех на училиште за неа и сите деца.
„За Нова Година? Сакам да имам петки, успеси и да ми донесе играчка. Сакам и другите да имаат петки, здравје, радост и љубов“, дете ги кажува своите желби во новата година.
Желбите на децата се безбројни.
Малечката Маја му испеа песничка на Дедо Мраз. Дедо Мраз посака бериќетна Нова Година и многу среќа.
И градоначалникот на Скопје, Петре Шилегов упати честитки за Новата Година.
Прославата на плоштад Македонија се одржа во утринските и пладневните часови, со песни и танци. Освен Дедо Мраз, имаше и дизни ликови кои ги забавуваа децата. Во рамки на денешната програма се одржа и претставата “Волкот низ приказните“.
РЕПОРТЕР: АЛМЕДИНА ИСМАЈЛИ
