НА 24 јули 1915 година, во раните утрински часови во американскиот град Чикаго, се случила страшна несреќа. Големиот патнички брод СС Истленд, со 2.500 патници, се превртел во пристаништето пред поаѓањето. 848 лица загинаа на лице место откако останаа заробени во долниот дел од палубата. До несреќата дошло поради преголем товар на бродот од левата страна.
СС Истленд е изграден во 1902 година, а пред страшната несреќа, веќе двапати бил во центарот на скандали. На првото патување удрил во друг брод и завршил на репарации, а на второто патување неговите морнари се побуниле бидејќи не биле соодветно нахранети.
Третиот скандал беше најлош
Сепак, ништо од ова не беше ни блиску до настанот од 1915 година. Во тоа време беа објавени многу нови безбедносни протоколи, најмногу поради потонувањето на Титаник три години претходно. Една од мерките беше да се зголеми бројот на спасувачките бродови, што делумно беше причина за превртувањето на СС Истленд.
Бродот превезувал работници преку езерото Мичиген на организиран синдикален пикник, на кој многу работници се радувале. Тоа беше голем настан за нив со оглед на условите за работа во САД на почетокот на 20 век.
Патниците кои биле на палубата на бродот во моментот на превртувањето лесно се спасиле бидејќи водата била релативно топла, а бродот бил на само неколку метри од брегот. Меѓутоа, оние кои веднаш се спуштиле на долниот дел од палубата по качувањето главно биле пронајдени мртви. Не сите загинале од давење, но многумина се повредени кога мебелот почнал да паѓа.
Еден човек починал долго пред да се наполни палубата со вода бидејќи врз него паднало клавир. Останатите беа убиени од маси и лавици. Најголем дел од патниците биле имигранти од Чешка и Словачка.
Трагедијата во Истленд до ден-денес останува најголемата катастрофа на Големите езера. После тоа, бродот повеќе не превезувал патници, туку бил продаден на американската армија и претворен во воен брод.