Рускиот претседател Владимир Путин ќе биде првиот руски лидер што ќе ја посети Алјаска кога ќе се сретне со американскиот претседател Доналд Трамп во американската држава во петок.
За време на советската ера, Никита Хрушчов, Алексеј Косигин и Леонид Брежњев ги посетија САД, Михаил Горбачов ги посети САД три пати, а Борис Елцин пет пати.
Поранешните премиери Виктор Черномирдин, Сергеј Степашин и Михаил Касјанов, исто така, ги посетија САД.
Како руски претседател, Дмитриј Медведев ги посети Хаваи, Њујорк и Питсбург, додека Путин ги посети Њујорк, Тексас, Мериленд, Џорџија и Мејн.
Последната посета на руски претседател на САД беше пред десет години, во септември 2015 година.
Алјаска е најсеверната и најголема држава во САД. Откриена е од руска експедиција во 1732 година, а Руската империја ја продала на САД во 1867 година.
Трамп вчера објави дека ќе се сретне со Путин на 15 август во Алјаска, што го потврди и помошникот на рускиот претседател Јуриј Ушаков.
Путин го прими специјалниот претставник на американскиот претседател Стив Виткоф во Кремљ во среда, а по средбата, Ушаков изјави дека Москва и Вашингтон се согласиле да одржат средба меѓу Путин и Трамп во наредните денови.