Сирењето е здрав и омилен производ на многумина, кој се консумира во секојдневните оброци, а особено е корисен во зима. Сепак, малкумина знаат дека тој има и негативни страни.
Рускиот диететичар и нутриционист Андреј Бобровски открива што ќе се случи со телото ако го јадете секој ден.
- Постојат многу различни видови сирење кои содржат многу маснотии и не е пожелно да се јаде секој ден – вели Андреј Бобровски, професор на Медицинскиот факултет во Санкт Петербург.
Премногу сирење може да доведе до развој на атеросклероза (затнати артерии), хипертензија и други кардиоваскуларни заболувања, како и уролитијаза (појава на камења во шуплините на уролошките органи), објасни тој.
Сирењето не е производ за секојдневна консумација бидејќи има доволно калории, а покрај тоа содржи и лоши масти и лош холестерол.
Составот на многу видови сирење вклучува голема количина сол, што исто така претставува закана за организмот, додаде тој. Ако некое лице не е подготвено да го исклучи овој производ од неговата секојдневна исхрана, треба да ја ограничи неговата употреба на одредена граница.
„Во умерени количини, сирењето е корисно и го зајакнува имунолошкиот систем. Тоа е млечен производ богат со целосни протеини и амино киселини. Придонесува за добро функционирање на целиот организам, а освен тоа сирењето е вреден извор на калциум и витамин Б. Истовремено, витаминот Б12 содржан во производот го прави особено корисен во зима“ – изјави нутриционистот.
Сирењето е извор на витамини од групата Б, особено Б12, а ова е еден вид претходник на хормонот на задоволството, хормонот на среќата – серотонин.
„Во зима, кога има долги ноќи, а кратки денови во јануари и февруари, витаминот Б12 се нормализира. Делува како средство за спречување на депресијата која се поврзува со недостаток на сончеви денови“ – рече Бобровски.
