Земјотрес со јачина од 4,8 степени според Рихтеровата скала попладне го погоди регионот Атика во Грција.
Според грчките медиуми, тоа се случило околу 4 часот и 15 минути попладне со епицентар на 24 километри источно-југоисточно од Кими на Евија и фокусна длабочина од 14,6 километри, според автоматското решение на Геодинамичкиот институт.
Земјотресот во Грција беше особено почувствуван во различни делови на Атика, додека околу 10 минути подоцна следеше нов, послаб земјотрес со јачина од 2,4 степени, 17 километри југо-југоисточно од Кими, мало гратче на Евија.
Фокусна точка на длабочина од 14 километри
#Earthquake (#σεισμός) possibly felt 16 sec ago in #Greece. Felt it? Tell us via:
📱https://t.co/IbUfG7TFOL
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/LYUqV6BBTv— EMSC (@LastQuake) January 19, 2024
Според Василис Карастатис, заменик директор за истражување на Геодинамичкиот институт на Националната опсерваторија во Атина, земјотресот е регистриран во област позната по земјотреси.
Од своја страна, претседателот на ОАСП и професор по геологија Ефтимиос Лекас за ЕРТ изјави дека „тоа не предизвикува загриженост, иако областа може да предизвика поголем земјотрес“. Евро-Медитеран изјави дека земјотресот со јачина од 4,8 степени бил со епицентар на 22 километри источно од Кими и дека фокусот бил на длабочина од 14 километри.
Земјотресот е окарактеризиран како слаб, изјави директорот на грчкиот геодинамички институт Танасис Ганас, додавајќи дека се уште се утврдуваат дополнителни факти.
