Случај на физички напад врз малолетно дете во соблекувална на спортска сала во основно училиште во Кочани е пријавен во полицијата.
Според пријавата, шест и полгодишно дете било физички нападнато и соблечено, а случувањето било снимано со смарт часовник од неколку други малолетни деца, кои биле повозрасни од него.
Случајот на 24 септември во ОВР Кочани го пријавил 42-годишниот татко на детето.
„На 24.09.2026 во 12:45 часот во ОВР Кочани, 42-годишен маж од Кочани пријави дека во соблекувална од спортска сала на основно училиште во Кочани, неговото шест и пол годишно дете било физички нападнато, соблечено и снимано со смарт часовник од неколку други малолетни деца, поголеми од неговото дете“, соопшти МВР.
За случајот се известени јавен обвинител и Центарот за социјална работа.
Од надлежните институции се преземаат мерки за расчистување на настанот.