Силен земјотрес со јачина од 5.6 степени според Рихтер попладнево ја потресе Турција.
Земјотресот е со епицентар 11 km југозападно од Малатија, Турција.
Длабочината е 1 километар.
Гувернерот на Малатија, Хулуси Шахин, кој гостуваше во емисијата ТРТ Хабер, изјави дека е урната една напуштена зграда и има извештаи за неколку повредени.
Инаку, ова тло со месеци не се смирува.
Во февруари на границата меѓу Турција и Сирија имаше силен земјотрес кој срамни цели населби, а загинати имаше над 40 илјади.