Силна експлозија во хемиска фабрика: „Телото ми вибрираше, ушите ми свиреаа“

Пожарот предизвикан од силна експлозија што утрово се случи во хемиската фабрика Меламин во центарот на Кочевје во Словенија, е изгаснат во текот на утрото. Исплашените мештани велат дека прво мислеле дека експлозијата е бомбашки напад, а Универзитетскиот медицински центар Љубљана активирал план за масовна катастрофа, пренесува Metropolitan.si. „Мислевме дека е земјотрес“ Експлозијата била толку силна што покрај зградата во комплексот на зградата, која е тешко оштетена, искршени се и бројни прозорци на околните згради. Искршени се прозорците и на блискиот Здравствен дом и на Домот за стари лица. „Имаме вонредна состојба. Силна експлозија го потресе цело Кочевје“, изјавила мештанка за словенечки Н1. Директорката на локалната библиотека рече дека никогаш не почувствувала нешто толку силно. Прво мислеле дека е земјотрес, пренесува Index.hr. „Целото тело ми вибрираше, ушите ми свиркаа. Некои работници беа толку исплашени што почнаа да течат солзи“, вели таа. Паника меѓу децата на училиште По експлозијата во сите основни училишта во Кочевје, затворени се сите прозорци, исклучена е вентилацијата, а сите ученици останале во затворени простории. “Прозорите многу се тресеа. Прозорците кои беа отворени се отвораа и затвораа неколку пати. Кај децата настана паника. Видовме многу чад и силен оган”, изјави директорката на училиштето “Љубо Шерцер”, Барбара Поје, која додаде дека сега се обидуваат да ги смират децата со различни активности и да продолжат со наставата. Најмалку 20 повредени Според последните податоци на Управата за заштита и спасување повеќе од 20 лица се повредени, едно лице се здобило со тешки изгореници, а неколку се водат како исчезнати. Над местото се надвисна густ чад, а полицијата ги повика околните жители да ги затворат прозорците и да не излегуваат надвор. „Не приоѓајте на местото на експлозијата и затворете ги прозорците. Препорачуваме луѓето да ги затворат прозорците и вратите и да не се задржуваат надвор на 500 метри од местото на експлозијата“. Официјалната причина за експлозијата не е позната, но според неофицијални информации на Радио Словенија, бојлерот експлодирал. Инаку, фабриката Меламин е една од погоните со поголем ризик за животната средина. Компанијата, која е еден од најголемите работодавачи во регионот, главно се занимава со производство на смоли за бои и лакови и во дрвната, градежната и текстилната индустрија.