Поврзи се

4NEWS.mk

Сметководителите со конкретни барања за помош, евидентиран пад на прометот до 20 проценти

Published

on

Да се плати административна такса за документите потребни за аплицирање на повикот за бескаматната поддршка на фирмите објавен вчера, а Развојната банка да ги обезбеди електронски, по службена должност, за да намалат дополнителните трошоци, времето и ризикот по здравјето на сметководителите.

-Текстот продолжува по рекламата-

Ова е едно од барањата што го испорача денеска Комората на сметководители на Македонија.

Комората на прес-конференција предупреди дека состојбата во овој сектор станува алармантна зашто голем број компании за кои се вршат сметководствени услуги, најавуваат затворање на своите бизниси.

Loading...

Според досегашните податоци, како што беше речено, за јануари и февруари е евидентиран пад на прометот меѓу 15 – 20 отсто, а заклучно со 11 март има компании кои работат со отпуштени работници и кои бележат пад на прометот до дури 40 проценти.

-Мерки за поддршка треба да се донесат веднаш. Предлагаме пролонгирање на роковите за поднесување даночни поднесоци и останати извештаи 30 дена по престанок на вонредната состојба, поврат на повеќе платеното ДДВ од страна на државата да се скрати од 30 на 20 дена, укинување на обврската за плаќање месечни аконтации на данок на добивка, а добивката доколку ја има да си ја платат компаниите редовно следната година. Истото да важи и за данокот на личен доход за засегнатите дејности за 2020 со што се подобрува ликвидноста и се обезбедува на крајот на годината – данокот да го платат врз основа на реалниот резултат, кој поради пандемијата ќе биде понизок од оној во 2019, а кој се зема како база за пресметка на аконтациите, нагласи претседателот на Комората, Драган Митковски и аплеира, оние што можат, однапред да платат данок на добивка.

Според него, потребно и е целосно укинување на сите затезни камати, не само нивно намалување, сервисирање на долгот по основ на сите даноци во наредните 12 месеци по завршување на вонредната состојба.

-Дополнително, потребно е субвенционирање на плати и придонеси во сите сектори, не само во туризам, транспорт и угостителство како први директно погодени, како и донесување закон за кризен данок и фискална контрола во кризни ситуации со времетраење од шест до осум месеци. Со ова ќе се води контрола на профитерство во кризни моменти како и ќе даде можност за менаџирање на приходната и расходна страна на буџетот, истакна Митковски.

Тој информира дека во Комората на сметководители во тек е акција за прибирање средства со кои ќе се обезбедат хигиенски препарати, заштитни маски и ракавици, кои ќе се донираат на некои од ранливите категории. Членовите на Комората се на располагање на државните институции за про-боно помош, особено за анализа на флуктуациите во економијата и изготвување на акциски план.

Александра Андреева, член на УО на Комората на сметководители, укажа дека во услови кога сите светски економии за повеќе месеци ги одложуваат роковите за поднесување даночни поднесоци и останати извештаи за да се намали движењето на луѓе и размената (контактот) со документи, сметкодоводителите во земјава се соочуваат со одложувања од само неколку дена, како и со објавување на евентуална ваква одлука ден пред истек на рокот.

-Со ова постојано сме во неизвесност. И во услови кога заради почитување на препораките и мерките за заштита работиме со намален човечки и временски капацитет, и ние, и целото стопанство, невозможно е да обезбедиме навремено и точно запазување на овие обврски без одложување, изјави Андреева.

Комората бара, при носењето на мерките, Владата и надлежните институции да ги имаат предвид и сметководителите кои го носат најголемиот дел од товарот во спроведувањето на мерките во пракса. 

Извор: Сител телевизија

Loading...

Совет за етика во медиуми

Македонија

Во градскиот парк во Кавадарци од денеска и официјално започна со работа регионален вински музеј

Музика и Филм

Уште една „ приказна“ за сите нас, Васил Гарванлиев ја промовираше новата песна

Музика и Филм

Со ангелски глас и песна во модерен ритам Сања Димова ќе ја освојува домашната сцена

Македонија

Лифтовите потенцијални жаришта на коронавирусот – како да ги направиме безбедни?

Македонија

Венко Филипче тројно погледан на ТВ21 од Канал 5 телевизија

Македонија

Соопштение за мерките на ВРСМ за првата фаза на олабавување на вонредните околности

Македонија

ТВ21 ЕКСКЛУЗИВНО: Потврден говедски коронавирус во Македонија, човек може да го зарази својот миленик, но не и обратно

Музика и Филм

„THE ELEPHANT“ прв македонски краткометражен филм со ирски и старо англиски акцент

Музика и Филм

Македонец во Словенија направи песна репрезент за градот

Македонија

ВИДЕО: Силна експлозија во фабрика во Битола – на терен противпожарни екипи

WP2FB Auto Publish Powered By : XYZScripts.com