Пукање гума на камион што се движел по автопатот А9 во централна Германија доведе до голема сообраќајна несреќа во која учествувале 28 возила, објави германската новинска агенција ДПА во саботата.
Портпаролот на полицијата изјави дека е зачудувачки што никој не е повреден во несреќата во округот Зале-Орла во Тирингија.
„Обемките (на несреќата) не се секојдневна појава“, рече тој за инцидентот. Возачот на камионот се движел помеѓу раскрсниците Бад Лобенштајн и Шлајц доцна во петокот кога неговата гума одеднаш пукнала, расфрлајќи парчиња по патот.
Дваесет и седум возила, вклучувајќи автомобили и други камиони, се судриле со фрагментите од гумата, рече портпаролот. Сè уште не е познато како првично била оштетена гумата, објавува Дневник.хр.
Според полициските проценки, штетата е околу 150.000 евра. Патот бил затворен преку ноќ неколку часа по несреќата.