Во истото гостување во емисијата „Ноќно студио“ на 4ТВ, антикорупциската активистка Слаѓана Тасева предупреди дека во државата не постојат еднакви критериуми кога станува збор за пристап до услуги, лиценци и дозволи.
Според неа, одлуките често не се носат врз основа на јасни правила, туку под влијание на лични интереси, што создава нееднаквост и неправда во системот.
Тасева оцени дека ваквите појави се директен резултат на длабоко вкоренета корупција, која го нарушува функционирањето на институциите и ја поткопува довербата на граѓаните.
Таа нагласи дека воспоставувањето на транспарентни и еднакви критериуми е клучно за справување со корупцијата и за враќање на правната сигурност во општеството.