Трамп ги разреши највисоките американски генерали

Американскиот претседател Доналд Трамп во петокот го разреши началникот на Здружениот генералштаб на американската армија, генералот на воздухопловните сили К.К. Браун и уште пет други адмирали и генерали.

Трамп на социјалната мрежа Truth Social објави дека ќе го номинира поранешниот генерал Ден „Разин“ Кејн за нов началник на Генералштабот на американската армија, што претставува прекин на традицијата бидејќи за првпат на таа позиција ќе биде назначен воен командант кој порано се пензионирал, пренесува Ројтерс.

Претседателот, исто така, ќе го замени врховниот командант на американската морнарица, адмирал Лиза Франкети, првата жена што ќе служи како командант на која било гранка на американската војска.