Поранешниот американски претседател Доналд Трамп денес замина на четиридневната национална конвенција на Републиканците во Милвоки, Висконсин, на која и официјално ќе ја прифати републиканската номинација за претседател.
Американските агенции за спроведување на законот работат на обезбедување на безбедноста на конвенцијата, по синоќешниот атентат врз Трамп за време на митинг во Пенсилванија, пренесува Ројтерс.
„Се чувствуваме многу удобно затоа што работиме со Тајната служба. Работиме со 40 различни агенции за спроведување на законот“, рече претседателот на Републиканскиот национален комитет Мајкл Ватли во интервју за Фокс.