Повеќе од два месеци по трагедијата во дискотеката во Кочани – закрепнувањето на повредените се одвива според планот.
На Клиниката за пластична и реконструктивна хирургија, кај десетина пациенти била извршена трансплантација на кожа, а потоа и PRP третман за ублажување на лузните.
Докторката Тодоровска Шапова вели дека закрепнувањето оди добро и оти за петтемина пациенти што сè уште се лекуваат во странство, по враќањето ќе биде обезбеден продолжен третман во земјава.
Во тек е и ревизија наложена од Министерството за здравство – седуммина специјалисти ја оценуваат ефикасноста на досегашното лекување и ќе утврдат дали е потребна дополнителна медицинска интервенција.