Струмичката противпожарна единица утрово интервенираше на три различни локации.
Првиот пожар избил во 07:00 часот во викендичка на Суви Лаки, каде со заедничка акција на осум пожарникари од Струмица и Берово, огнот бил навреме локализиран.
Веднаш потоа, во 08:12 часот, екипите интервенирале на запалена куќа на улицата „Бетовенова“ во Струмица, а последната интервенција била во село Муртино, каде се запалил оџак.
Иако во трите случаи е предизвикана значителна материјална штета, брзата реакција на пожарникарите спречила посериозни последици.