Цинкот е неопходен за добро здравје, постои тенка линија помеѓу доволно и прекумерно внесување.
Цинкот е минерал во трагови што се наоѓа во клетките низ телото. Оваа суштинска хранлива материја е клучна за различни телесни функции, вклучувајќи ја имуната функција, заздравувањето на раните, синтезата на ДНК и правилниот раст и развој. Цинкот, исто така, го поддржува метаболизмот помагајќи им на повеќе од 300 ензими во телото правилно да ја вршат својата работа, од разградување на храната до создавање на протеини.
Покрај тоа, цинкот може да помогне во заштитата на здравјето на вашата кожа од штетните ултравиолетови зраци на сонцето и да го намали ризикот од рак на кожата. Недостатокот на цинк може да влијае на вашата способност за вкус и мирис.
11 милиграми дневно се препорачуваат за возрасни мажи и осум милиграми за возрасни жени. На бремените и доилките им се потребни 11 и 12 милиграми за поддршка на развојот на фетусот и производството на млеко. Важно е да се напомене дека овие препораки вклучуваат внесување на цинк од сите извори, вклучувајќи храна, пијалаци и додатоци во исхраната, пишува Ординација.хр.
Можете ли да земете премногу цинк?
Хроничната токсичност на цинкот може да ја попречи апсорпцијата на бакар, што доведува до дефицит на бакар и невролошки симптоми како што се вкочанетост и слабост. За да се спречат негативните ефекти и да се одржи општото здравје и благосостојба, најдобро е да се внесува цинк од урамнотежена исхрана и да се избегнуваат прекумерни суплементи, освен ако не е препорачано од здравствен работник.
Иако цинкот е навистина корисен кога сте болни или се чувствувате исцрпено, прекумерното внесување на храна, суплементи и лекови може да доведе до негативни здравствени ефекти.
Знаци и симптоми на земање премногу цинк
Иако цинкот е неопходен за различни функции на телото, прекумерното консумирање може да доведе до штетни ефекти. Овие симптоми се манифестираат како:
Гадење
Повраќање
Вртоглавица
Главоболка
недостаток на апетит
Гастроинтестинален дистрес