Жителите на Фиренца се ужаснати откако во јавноста протече фотографија од турист кој симулира однос со споменикот на античкиот бог Бахус, пишува Би-Би-Си.
На фотографиите споделени на Фејсбук страницата Добредојдовте во Фиренца, истата жена се гледа како бакнува антички бог среде ноќ.
Статуата на Бах се наоѓа на аголот на улицата во близина на познатиот Понте Векио (Стар мост) и е реплика на делото на скулпторот Џамболоња од 16 век. Оригиналот се чува во блискиот музеј Барџело, пишува Би-Би-Си.
A Firenze una ragazza si è arrampicata sulla statua del Giambologna mimando un atto sessuale.
Si tratta di una trasfigurazione: quando l’arte è più vera della vita.
Una esaltazione amorosa.
Nessun uomo reale può competere con il Perseo di Cellini.
Una ragazza ubriaca compie un… pic.twitter.com/EvUUBkl20v— Vittorio Sgarbi (@VittorioSgarbi) July 16, 2024
Фотографиите предизвикаа бес кај корисниците на социјалните мрежи. Некои од нив побараа нејзино апсење.
„Ова е резултат на долгогодишните обиди Фиренца да се претвори во Дизниленд“, напиша еден од нив.
„Секој прави што сака“
Патриција Аспрони, претседател на Конфкултура, здружение кое го промовира италијанското културно наследство, за италијанските медиуми изјави дека овие „непристојни и варварски“ настани продолжуваат да се случуваат затоа што „секој чувствува дека има право неказнето да прави што сака“.
Аспрони повика на „Сингапурски модел“ со огромни казни и нулта толеранција за таквото однесување, пишува Би-Би-Си.
Прашањето е, што би помислил за ваквото однесување самиот Бахус, римската верзија на грчкиот Дионис, богот на плодноста, хедонизмот, виното и другите нешта, од чии прослави ја наследивме етимологијата на зборот „бакханалија“.
Денес Фиренца е една од најважните туристички дестинации во светот. Минатата година градот со околу 382 илјади жители од јуни до септември го посетиле околу 1,5 милиони луѓе. Локалните жители тешко се справуваат со големиот број туристи кои го преплавуваат градот во летните месеци.